Me pelqen shume te shkruaj ne kohen time te lire, me deshiren per te ndare zemren time rreth ngjarjeve te perditshme, nisur nga kendveshtrimi i nje personi qe eshte prekur dhe transformuar nga dashuria dhe vepra e Jezusit. Eshte kjo dashuri, shprese dhe ky ndryshim qe perjetoj cdo dite, e cila me shtrengon per ta cuar tek te tjeret, me shpresen dhe lutjen se edhe ata do te njohin kete dashuri te persosur te Perendise.
Biografi: Unë jam Rudina Bakalli, e lindur dhe rritur në Fier. Kam studiuar Gjuhë dhe Letërsi Shqipe në Universitetin e Tiranës dhe që prej viteve të rinisë jam angazhuar në lëvizje studentore dhe organizata ndërkombëtare, me pasionin për të ndikuar pozitivisht në jetën e njerëzve dhe në shoqërinë shqiptare.
Në vitin 2013 u licencova si këshilltare karriere nga Crown Financial, një fushë që ka qenë dhe mbetet shumë e rëndësishme për mua, sepse lidhet me ndihmën që u jap të rinjve dhe individëve për të zbuluar thirrjen e tyre dhe për të ndërtuar një jetë me qëllim.
Gjatë viteve kam ndjekur edhe programe të tjera në lidership dhe zhvillim personal, mes tyre një MA në Lidership Transformues (2022) dhe një certifikim si trajnere e shëndetit mendor për të rinjtë nga Light University (2024). Aktualisht punoj në departamentin global të inovacionit dhe strategjive digjitale të GCM/CCCI International, me qendër në Florida.
Ky blog është hapësira ku ndaj mendime, reflektime dhe përvoja që lidhen me besimin, jetën, zhvillimin personal, karrierën dhe shoqërinë. Shkrimet e mia kanë si qëllim të frymëzojnë, të motivojnë dhe të nxisin kërkimin përtej një jete sipërfaqësore, drejt një jete me kuptim, përmbushje dhe qëllim.